Tai-Gi|台語小教室——一「陣」(tsūn)風 vs.一「港」(káng)風

一「陣」(tsūn)風佮一「港」(káng)風差佇佗位?
拄才基隆起一「陣」風(圖一),表示冷鋒面到台灣北海岸矣。較停仔寒流受着台灣地形ê阻礙,會分做兩「港」風(圖二)。
頂面即兩句話,若共「陣」字佮「港」字換位就重耽去,為乜緣故?
因為「陣」是時間ê概念,咱看圖來了解。圖一是基隆測站過去24點鐘風速對時間ê變化。咱看着六點左右風速有一个極大ê時陣,這就準算一陣風。
不而過,「港」是空間ê概念,咱閣看圖。圖二是模式預報今旦中晝台灣附近ê風場地圖。咱看著台灣東西爿各有一个風速極大ê所在,這就準算兩港風。
若無看着風速對時間ê變化,干焦看風場地圖無法度算有幾陣風;若無看着風場地圖,干焦看風速對時間ê變化無法度算有幾港風。

上 / 下一篇文章

臉書留言

一般留言

發佈留言

發佈留言必須填寫的電子郵件地址不會公開。