文_A-Hîng 圖、譯_Suan-san

Tâi-gí 囡仔佇學校無得着公平ê受教權，佇社會閣定被微歧視，到底是啥乜狀況？

現此時有一寡囡仔佇厝內用全Tâi-gí，有ê佮其中一位家長按呢、有ê規家伙仔按呢。家長用全Tâi-gí 育囝ê緣由，大部分攏是為着欲傳湠所愛ê文化。親像我感覺身軀頂所流ê是Tâi-gí ê血脈，若無好好仔教後生講Tâi-gí，袂輸leh戴青帽仔做oo-kui──育別儂个種。不而過，遮ê Tâi-gí 囡仔一下離開厝，就愛面對真濟體制ê無平等。

上顯目ê無平等，就是無機會佇學校受着使用Tâi-gí ê教育。現此時ê Tâi-gí 教育是設予華語囡仔共Tâi-gí 當做外語來學–ê。Tâi-gí 幾百年來粒積–ê，對文字、歷史、藝術、學術到思想體系，Tâi-gí 囡仔煞無機會佇學校得着遮ê文化資源。有ê凡勢規世儂都佮家己ê文化無緣；有ê在外走揣文化資源半世儂，越頭一下看，才像鹿仔轉骨按呢huat-kak：上豐沛而且獨一無二ê珍果就藏佇家己ê文化內底，雖然足久無儂顧，猶是開會出足媠ê花。逐日，我攏會鼓勵家己：共Tâi-gí 文化資源傳予後生實在不止仔重值。不而過，佇社會走傱，總是加減聽着一寡話語予儂感覺：敢講流Tâi-gí ê血脈，就毋值得受平等ê教育？

學校失能，Tâi-gí 家庭若無欲挕捒尊嚴來替華語文化做oo-kui，干焦會當用家己ê錢佮時間來換文化資源。上硬篤ê資源──學校才有而且家己開錢下功夫mā無tè換–ê──就是學習成績評量。好佳哉，對幼囡仔來講，有幾條仔任何語言攏通用ê『語言發展里程碑』，遮舉兩條來參考：

三歲里程碑有一條是：會曉講出大部分ê日常事物个名。

五歲里程碑有一條是：會曉使用大部分正確ê語法講話。

不而過，現此時ê台灣社會，有足濟儂聽着五歲囡仔用Tâi-gí 講出日常事物ê名就共呵咾，甚至有ê儂會開始考伊日常事物。閣有ê儂聽着家長糾正五歲囡仔ê Tâi-gí 語法，就踮即个五歲囡仔个面頭前共in爸母教示，講這傷高級毋免要求。

即款社會ê反應，攏是leh提醒Tâi-gí 家庭：『Tâi-gí 囡仔毋值得受平等ê教育』即个錯誤ê印象，徛算是微歧視(microaggression)。因為對無得着公平ê受教權ê Tâi-gí 家庭來講，言外之意就是『阮个五歲囡仔ê學習愛用五歲ê標準來評，毋過講Tâi-gí ê五歲囡仔用三歲ê標準來品就好』、『若五歲閣語法無標準，阮个囡仔着糾正、較傷重ê着治療，毋過講Tâi-gí ê 囡仔就毋免教』。總是，咱Tâi-gí 家庭愛會記得：即款微歧視，就準毋是刁工–ê，嘛是毋通。猶閣有，共Tâi-gí 傳予囡仔絕對有重值。

講到遮，我甚至敢講，三十冬以後，Tâi-gí ê香火佇經濟弱勢ê家庭會先斷–khì──若準講我無錢閣無時間舞資源來傳Tâi-gí，mā只好頭犁犁做文化ê oo-kui。我向望即个預言袂成真。不而過，咱ê體制若無確保平等ê使用Tâi-gí ê受教權，這敢猶有望？

台語孩子的受教權及微歧視

文_A-Hîng 圖、譯_Suan-san

台語孩子在學校沒有得到公平的受教權，在社會還常被微歧視，到底是什麼狀況？

現在有一些台語孩子在家裡使用全台語，有的是跟其中一位家長講，有的是全家人都使用台語。家長用全台語教養孩子的理由，大部分都是為了傳承所愛的文化。就像我感覺身上流的血液是台語的血脈，若沒有好好地教兒子講台語，那種感受就好像戴綠帽當烏龜──在養別人的種。不過，這些台語孩子一離開家，就要面對很多體制的不平等。

最明顯的不平等，就是沒有機會在學校受到使用台語的教育。現今的台語教育是設計給華語小孩把台語當作外語來學習。台語幾百年來累積的，從文字、歷史、藝術、學術到思想體系，台語孩子卻沒有機會在學校得到這些文化資源。有的孩子可能一輩子都跟自己的文化無緣；有的在外尋找文化資源找了半輩子，轉頭一看，才像「鹿仔轉骨，發角」這樣，意識到最豐沛且獨一無二的珍果就藏在自己的文化中，雖然久無人看顧，還是可以開出美麗的花。每天，我都會鼓勵自己：把台語文化傳承給兒子實在是非常值得。不過，在社會上闖蕩，總是多少會聽到一些話讓人覺得：難道說流著台語血脈，就不值得受平等的教育嗎？

學校失能，台語家庭若不想拋棄尊嚴來被華語文化戴綠帽，只能用自己的錢跟時間來換取文化資源。最難取得的資源──學校才有且自己花錢下功夫也換不到的──就是學習成績評量。還好，對幼兒來說，有幾個任何語言都通用的『語言發展里程碑』，舉兩個例子來參考：

三歲里程碑有一條是：可以說出大部分日常事物的名稱。

五歲里程碑有一條是：可以使用大部分正確的語法講話。

不過，現今的台灣社會，有很多人聽到五歲小孩用台語講出日常事物的名稱就稱讚台語孩子，甚至有人會開始考他日常事物怎麼用台語說。還有人聽到家長糾正五歲小孩的台語語法，就在那個五歲小孩的面前教訓他的爸媽，說是這個太高階了，不用要求。

這種社會的反應，在在提醒台語家庭：「台語孩子不值得受平等的教育」這個錯誤的印象，可以算是微歧視(microaggression)。因為對沒有得到公平受教權的台語家庭來說，言外之意就是「我們的五歲小孩要用五歲的標準來評量，不過講台語的五歲小孩用三歲的標準來看就好」、「若是五歲還語法不標準，我們的小孩要被糾正、若更嚴重就得被治療，不過講台語的孩子就不用教了」。總之，我們台語家庭要記得：這種微歧視，就算不是故意的，也不可取。還有，把台語傳承給孩子絕對是有價值的。

說到這，我甚至敢說，三十年以後，台語家庭的香火在經濟弱勢家庭會先斷掉──如果說我沒錢也沒時間弄資源來傳承台語，那就只好低頭做文化「烏龜」。我希望這個預言不會成真。不過，我們的體制若無法確保平等的使用台語的受教權，那還有希望嗎？

文章毋是使用教育部推薦用字

翻譯華文版予逐家參考。華文無可能翻譯出原文可能有ê美感，尤其是俗諺，如「鹿仔轉骨，發覺/發角」