如果你給老鼠吃餅乾是一本輕鬆容易一起共讀的繪本，會不由自主地想要知道這隻可愛又可恨（？）的老鼠到底又提出什麼要求了，一開始覺得用台語念應該很簡單，但是真的要認真翻譯的時候，發現其實有許多小鋩角（眉角）。像是貫穿整篇故事的核心句子「一…就…」每當小男孩滿足了老鼠的要求，就會有下一個要求出現，在台語的表達中，有很多種不同的說法，但沒有辦法直接用台語說「一…就…」，在文中用了很多不同的講法來表示。另外就是「一定」的台語有很多種說法，在文中我們用了「一定」、「百面」、「穩當」、「定著」、「絕對」、「包穩个」來抽換。

現在就一起來聽聽如果你給老鼠吃餅乾到底會發生什麼事吧！

書名

如果你給老鼠吃餅乾

汝若予鳥鼠食餅

Lí nā hōo niáu-tshí tsia̍h piánn

汝若請一隻鳥鼠食餅

伊就會共汝討一杯牛奶

你予伊牛奶

伊一定會共汝討一支欶管

牛奶啉一下了，伊就會討一條手巾仔

喙拭拭咧，伊就會討一面鏡，來看有牛奶鬚無

鏡照『落去』到地，伊就會講頭毛嘛愛鉸矣，伊百面會共汝討一支指甲剪

伊家己共頭毛鉸一下好，就會討一支掃帚欲來掃塗跤

伊會認真掃起來，愈掃閣愈頂真，共規棟厝內个逐間房攏掃過

伊穩當閣會拚性命，共塗跤嘛攏揉過

代誌做一下煞，伊定著會愛睏

汝就愛共(伊)攢一盒細盒匣子做眠床，閣愛有一粒細粒枕頭、一條細條棉襀被

伊會『足百』上伊个眠床，看按怎䖙較好勢，又閣會拍一下閣一下，共伊个枕頭拍予膨膨

伊絕對會叫汝講一條故事予(伊)聽

汝照伊个意思，共講汝个一本尪仔冊，伊就會叫汝予(伊)看冊內个尪仔圖

伊一下看著圖，歡喜起來，就會講家己嘛欲共(伊)畫一幅，伊會共汝討一張紙佮幾若支蠟筆

伊會畫一幅圖，畫甲足綿爛

圖畫『落去』到地，伊欲簽名，就會共汝討…

一支鋼筆。名簽簽咧，伊就會講，欲共伊个圖貼佇汝个冰櫥頂，其實伊个意思是叫汝共(伊)揣…

一卷黏布。伊共圖貼一下好，就會退幾若步，徛咧欣賞，伊一下看著冰櫥，就會想著…

伊有淡薄仔喙焦，當然囉

伊會共汝討一杯牛奶，伊一下開喙欲討牛奶，包穩个啦

一定會閣討一塊餅，挺好予配牛奶